PRIMMA PAGGENA
Bemmenute 'ncopp’ô bblog 'e Ermete Ferraro, prufessore 'e lengua e ccultura napulitana
|
LA 'FELICE MEMORIA' DI DE FALCO
05.12.2021 <<È stato proprio un bell’incontro. Credo che Renato de Falco ne sarebbe stato contento, osservando dall’alto la sala della Fondazione Mezzogiorno Europa – all’interno di Palazzo Reale – affollata di persone venute a rendergli omaggio. Gli sarebbe piaciuto il tono serio, ma non serioso, con cui lo abbiamo ricordato, anzi abbiamo attualizzato il ricordo mai spento della sua inesauribile e poliedrica attività di maestro della lingua e cultura napolitana, di profeta della sua divulgazione popolare che non ha mai perso la consistenza, la ‘sostanza’ diremmo noi, della sua profondità di filologo...>> CONTINUA A LEGGERE SUL BLOG
LEGGI ANCHE SU 'AGORAVOX ITALIA' |
Articule 'nlengua napulitana scritte 'a Ermete FERRARO
Allamentarse nunn'abbasta cchiu'...
17.07.2021 <<Sempe cchiù pperzone s’allamentano pecché ’a lengua napulitana verace va scumparenno e ppecché pure cchille che ancora l’ausano spisso nu’ ssapeno scrivere manco doje righe senza piglià zarre e rrancefellune. E overamente succede ca ’stu povero Nnapulitano ogne juorno è maletrattato, ’mbriacato e ’mvastarduto ’a chille che ppenzano ca nu ‘dialetto’ è na lengua vascia e ppirciò nun tene deritto d’essere rispettata e pprutetta. Sempe cchiù spisso, po’, capita ’e vedé cartellune, manefieste e ppubblecità cu ffrase scritte ’nNapulitano, sulo p’ ’e ffa paré cchiù pupulare, però senza se preoccupà ’e nun sgarrà cu ll’ortografia. ’O prubblema ce sta e nun putimmo fégnere ca se tratta d’ ’e ’mbrusuliamiente ’e gente anziane e ttradizzionaliste. Specialmente ’e giuvene ausano poco e mmalamente ’o Nnapulitano e, quann’ ’o scriveno, fanno aggriccià e azzellechì. Fatt’è ca ll’istituzziune – d’ ’o Ministerio ’e ll’Istruzzione â Reggione Campania, ’nfino ô Cummune ’e Napule – nu’ ppare ca facettero assaje pe ppruteggere ’a lengua napulitana ’a ’sta scajenza. Perzì ’a legge 40, appruvata a lluglio 2019 d’ ’o Cunziglio Reggiunale d’ ’a Campania pe “pruteggere e dda’ valore â lengua napulitana” nun cagnaje ’e ccose. Passate duje anne, ’o Cumitato Scientifico, presieduto ’a Maurizio de Giovanni parturette ’nfatte sulo decramazziune, belli pprumesse e ddoje cummunicate stampa ’ncopp’a “Sergio Bruni e la canzone napoletana”. (https://www.cr.campania.it/comvalnap/ ).
Però manco se po’ ddicere ca int’a cchist’anne nun s’è ffatto niente pe ccagnà ’e ccose e nnemmanco ca nun ce stanno resorze bastante pe pputé ’mparà a pparlà e scrivere cchiù mmeglio ’o Nnapulitano. Pure cu tutt’ ’a pandemia, ’mméce, nun se so’ ffermate cunferenzie, lezziune, articule e attività pe ffa’ avanzà ’a canuscenzia ’e sta lengua e d’ ’o patremmonio storeco e cculturale che sse porta appriesso. |
Però si assaje gente prutestano, nun songo assaje chille che fanno quaccosa pe se ’nfurmà cchiù meglio ’ncopp’â lengua napulitana. E ppure abbasta trasì int’a na libbreria pe ttruvà spase int’ ’e scaffale nu cuofeno ’e libbre, dizziunarie e ggrammateche che ppônno ajutà a studià ’sta lengua ‘geniale’, cu 2500 anne ’e storia, cultura e arte che nnisciun’ata po’ avantà. Nun ce stanno sulo pruverbie, canzune e ppuisie. ’A letteratura napulitana è nu scrigno addò chi ’e va cercanno po’ ttruvà tesore ’e tutt’ ’e tiempe – vennute a ppoche sorde pure ’ncopp’ê bbancarelle a Pport’Alba e ô Vommero – assapuranno accussì nu Nnapulitano verace.
Nun ce vo’ niente, po’, a sse fa’ ajutà a scrivere ’a perzone esperte e qualeficate, ausanno pure Internét e ccercanno site e ppaggene specializzate. Vale p’ ’o pueta o scrittore dilettante, p’ ’o cantautore, p’ ’o putecaro che vvo’ mettere na ’nzegna scritta napulitanamente, ma pure pe ll’azzienda che rreclamizza ’e prudutte suoje cu ppubblecità ‘nNnapulitano. ’O guajo overo è ca tuorno tuorno ’nce sta na trascuràggena e nna pultrunaria esaggerata. Nun se legge, nun se studia, nun s’addemannano cunziglie a cchi ’e putarrìa da’, cuntinuanno accussì a sbaglià e a ppruducere messagge scumbinate, che ssongo na parudìa d’ ’o Nnapulitano verace. Poco e nniente se fa pure pe ffà canoscere e ddà valore ê pparlate lucale – penzammo sulo ô turrese, ll’ischitano o ê dialette ’e ll’Irpinia. Accussì s’offre pure nu pretesto a cchi s’ ’a piglia cu chille che vvônno ’mparà â scola sulo ’o Nnapulitano, però manco fa assaje pe’ ffa ascì ’sti ccanuscenze ’a dint’a ll’Unniverzetà. Sulo duje giurnale – ‘o Matino e chillo che state liggenno mo mmò – hanno avuto ’o curaggio ’e pubblecà articule scritte ’nlengua napulitana e ppirciò s’ammeretano n’apprauso, pecché forze è ’a meglia cosa p’ascì d’ ’a sòleta immaggene d’ ’o Nnapulitano che sserve sulo pe ffa’ battute o pe ccantà…>> Articulo pubblecato d' 'o ggiurnale "napoli" 'e 17 'e luglio d' 'o 2021
'O giurnale po' essere letto on line o scarrecato comme documento pdf 'a cchistu pizzo web: https://www.quotidianonapoli.it/2021/07/17/allamentarse-nunn-abbasta-cchiu/? |
Click to set custom HTML